ކ. ތިލަފުށީގައި ހުންނަ ވެމްކޯ ސައިޓުގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ހާމަކުރި ގޮތުގައި މިއަދު މެންދުުރު 12:04 ހާއިރު ތިލަފުށީ ވެމްކޯ ސަިއޓްގައި އަލިފާނުގެ ހާދިސާއެއް ހިނގައިގެން އުޅޭ ކަމުގެ މައުލޫމާތު އެ އިދާރާއަށް ލިބިފައިވާކަމަށެވެ.
އެގޮތުން އެމްއެންޑީއެފުން ހިއްސާކުރި ފޮޓޯތަކުން ފެންނަ ގޮތުގައި އަލިފާން ރޯވެފައިވަނީ އެ ސައިޓްގައި އެއްކޮށްފައި އޮތް ކުނި ފުންޏެއްގައެވެ.
އެމްއެންޑީއެފުން ބުނެފައިވަނީ މި ހާދިސާގެ ރިޕޯޓް ލިބުމާއެކު، އެމްއެންޑީއެފް މާލެ އޭރިއާ ކޮމާންޑް، ތިލަފުށީ ފަޔަރ ސްޓޭޝަނުން އަލިފާންގަނޑު ނިއްވުމުގެ މަސައްކަތުގައި ހަރަކާތްތެރިވާން ފަށައިފައިވާކަމަށެވެ.
އެހެން ނަމަވެސް މި އަލިފާންގަނޑު ނިއްވާލެވުނުކަން ނުވަތަ ނޫންކަން އެމްއެންޑީއެފުން ހާމަކޮށްފައެއް ނުވެއެވެ.
