ސިޔާސީ މަޤާމުތަކުގައި ތިއްބެވި ބޭފުޅުންގެ މުސާރައިން %10 ކުޑަ ކުރެއްވުމަށް ނިންމެވި ނިއްމެވުމަށް އެއްބާރުލުން ދިނުމުގެ ގޮތުން ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ ގެ މުސާރައިގެ %50 ނުނަންގަވާ ގޮތަށް ނިންމަވައިފިއެވެ.
ޢަބްދުއްރަޙީމް އެކްސްގައި ކުރެއްވި ޕޯސްޓެއްގައި ވިދާޅުވީ ދިވެހި ދައުލަތުގެ އިޤްސާދީ ހާލަތު ރަނގަޅު ކުރެއްވުމަށްޓަކައި ރައީސް ޑރ.މުހައްމަދު މުއިއްޒު އަޅުއްވަމުން ގެންދަވާ ހަރުދަނާ ފިޔަވަޅުތަކުގެތެރޭގައި ހިމެނޭ ސިޔާސީ މަގާމުތަކުގައި ތިއްބެވި ބޭފުޅުންގެ މުސާރައިން %10 ކުޑަ ކުރެއްވުމަށް ނިންމެވި ނިއްމެވުމަށް އެއްބާރުލުން ދިނުމުގެ ގޮތުން އެމަނިކުފާނުގެ މުސާރައިން %50 ނުނަންގަވާ ގޮތަށް ނިންމާވާފައިވާ ކަމަށެވެ.
ރައީސް ޑރ. މުޢިއްޒު ވަނީ އިޤްތިސާދީ އިސްލާހީ އެޖެންޑާގެ ދަށުން، ކުރިއަށް އޮތް ދެ އަހަރު ދުވަހަށް މުސާރައާއި ގުޅޭ ގޮތުން ގިނަ ފިޔަވަޅުތަކެއް އަޅުއްވާފައެވެ.
އެގޮތުން އެމަނިކުފާނުގެ އަމިއްލަ މުސާރައިން %50 ނުނަގްނަވާ ގޮތަށް ހަމަޖައްސަން ދަންނަވާނެ ކަމަށް އެމަނިކުފާނު ވަނީ ވިދާޅުވެފައެވެ. މީގެއިތުރުން އެމަނިކުފާނު ވަނީ ސިޔާސީ މަޤާމުތަކުގައި ތިއްބަވާ ބޭފުޅުންގެ މުސާރައިން %10 އުނިކުރަން ވެސް ނިންމަވާފައެވެ.
