ރައީސް ޑރ. މުހައްމަދު މުއިއްޒު، ޓެކްސް އެޕީލް ޓްރައިބިއުނަލްގެ މެމްބަރުކަމަށް 4 ބޭފުޅަކު އައްޔަން ކުރައްވައިފިއެވެ.
ޤާނޫނު ނަންބަރު 3/2010 (ޓެކްސް ނެގުމާބެހޭ އިދާރީ ޤާނޫނު) ގެ 56 ވަނަ މާއްދާގެ (ހ) ގެ (1) ވަނަ ނަންބަރުގައިވާ ގޮތުގެމަތީން އެ ޓްރައިބިއުނަލްގެ މެމްބަރުކަމަށް ރައީސް އައްޔަން ކުރެއްވި ހަތަރ ބޭފުޅުންނަކީ:
- ޙަސަން ޒުހައިރު މުޙައްމަދު، ގ. މާވާރުލު
- އިބްރާހީމް ޝަރީފް، ގ. އަލިޝާ
- ޝިފްޒާ ޢަބްދުލްޤައްޔޫމް، ގަސްދޮށުގެ، ގއ. ނިލަންދޫ
- ޢަބްދުލްޣަނީ މުޙައްމަދު، ހ. ހޯސްޓްސައިޑް
ޓެކްސް އެޕީލް ޓްރައިބިއުނަލްގައި ޖުމުލަ 5 މެމްބަރުން ތިއްބަވައެވެ. އެގޮތުން އޭގެ ތެރެއިން މެންބަރު އިސްމާއީލް ސާޖިދު ފިޔަވައި ބާކީ ތިއްބެވި ހަތަރު މެންބަރުންގެ ސުލޫކީ މައްސަލައެއް ބަލައި ވަނީ އެ މަޤާމުން ވަކިކޮށްފައެވެ.
އެއާއެކު ޓެކްސް އެޕީލް ޓްރައިބިއުނަލްގެ މެމްބަރު ކަމަށް ކުރިމަތި ލުމުގެ ފުރުސަތުވަނީ، މިދިޔަ އޮގަސްޓް މަހުގެ 26 ވަނަ ދުވަހު ހުޅުވާލައިފައެވެ.
މި ފުރުސަތުގައި އެ ޓްރައިބިއުނަލްގެ މެމްބަރުކަމަށް ކުރިމަތި ލެއްވި 13 ބޭފުޅުންގެ ނަންތައް ޖުޑިޝަރީ ކޮމިޓީން ދިރާސާ ކުރުމަށް ފަހު ފޮނުވުމުން ރައްޔިތުންގެ މަޖިލީހުގެ ތަޅުމުގައި އެ މަގާމުތަކަށް ކުރިމަތިލެއްވި ބޭފުޅުންގެ ނަންތަކަށް މިއަދު ވަނީ ވޯޓަށް އަހާފައެވެ.
އޭގެ ތެރެއިން މަޖިލިހުން ރުހުން ދެއްވި 4 ބޭފުޅުން ވަނީ އެ މަޤާމަށް އައްޔަކޮށްފައެވެ.
