ތިން މީހުންނާއެކު ދަތުރުކުރަމުން ދަނިކޮށް ބަންޑުން ޖަހާލި ޑިންގީއެއްގެ މަތީގައި ތިބި ބަޔަކު ތިން ގަޑިއިރުފަހުން ހޯދައި ސަލާމަތްކޮށްފިއެވެ.
އެމްއެންޑީއެފުން ހާމަކުރި ގޮތުގައި ފަރުމަސްވެރިކަމަށް ނިކުމެ އުޅުނު މި ޑިންގީ ބަންޑުން ޖަހާލިކަމުގެ ރިޕޯޓް އެ އިދާރާއަށް ލިބުނީ، މިއަދު ހެނދުނު 06:11 ހާއިރުއެވެ.
އެގޮތުން އެ ރިޕޯޓް ލިބުމާއެކު، އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން އެ ޑިންގީއާއި އޭގެ މަތީގައި ތިބި މީހުން ހޯދުނީ، 09:32 ހާއިރު ކަމަށް އެމްއެންޑީއެފުން ބުނެފައިވެއެވެ.
މި ހާދިސާއާއި ގުޅުން ހުރި އިތުރު ތަފްސީލެއް އަދި މި ހާދިސާގައި އެއްވެސް މީހަކަށް އަނިޔާވީކަމެއް ނުވަތަ ނޫން ކަމެއް އެނގިފައެއް ނެތެވެ.
އެމްއެންޑީއެފް އިން ހިއްސާ ކުރި ވީޑިއޯއިން ފެނިގެން ދަނީ އެ މީހުން ބަންޑުން ޖަހާލި ޑިންގީ މަތީގައި ތިބޭ ތަނެވެ.
