ޓެކްސް އެޕީލް ޓްރައިބިއުނަލްގެ ރައީސް ކަމުގެ މަޤާމަށް ހައިކޯޓުގެ ކުރީގެ ފަނޑިޔާރު، އަލްއުސްތާޛު ޢަބްދުލްޣަނީ މުޙައްމަދު އައްޔަންކޮށްފިއެވެ.
އަލްއުސްތާޛު ޢަބްދުލްޣަނީގެ އިތުރުން ޓެކްސް އެޕީލް ޓްރައިބިއުނަލްގެ ނައިބް ރައީސްގެ މަޤާމަށް އައްޔަންކޮށްފައި ވަނީ، ނައިބު ޙަސަން ޒުހައިރު މުޙައްމަދެވެ.
މީގެ ކުރިން ޓެކްސް އެޕީލް ޓްރައިބިއުނަލްގައި ތިއްބެވި 4 މެމްބަރަކު އެ މަޤާމުން ވަކިކުރެއްވުމާއި ގުޅިގެން، ޓެ ޓެކްސް އެޕީލް ޓްރައިބިއުނަލަށް 4 މެންބަރުން ޢައްޔަނުކުރައްވާފައިވަނީ މިމަހުގެ 24 ވަނަ ދުވަހުގައެވެ.
ޓެކްސް އެޕީލް ޓްރައިބިއުނަލުގެ ވެރިން އައްޔަން ކުރަނީ އެ ޓްރައިބިއުނަލްގެ މެމްބަރުންގެ މެދުގައި ނެގޭ ސިއްރު ވޯޓަކުންނެވެ.
ޓްރައިބިއުނަލްގައި ކުރިން ތިއްބެވި ހަތަރު މެންބަރުން ވަކިކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވީ މަޖިލީހުން އެގޮތަށް ސަރުކާރަށް ލަފާ ދެއްވުމުންނެވެ. މަޖިލީހުން އެގޮތަށް ފާސްކުރީ ޓެކްސް އެޕީލް ޓްރައިބިއުނަލްގައި މައްސަލަތަކެއް ހުރިކަން ފާހަގަކޮށް ރައްޔިތުންގެ މަޖިލީހުގެ އިދާރާއަށް ހުށައެޅި ސިޓީއަކާ ގުޅިގެން ޖުޑީޝަރީ ކޮމިޓީން އެ މައްސަލަ ދިރާސާކުރުމަށްފަހުއެވެ.
