ރައީސް ޑރ މުހައްމަދު މުއިއްޒުގެ ސަރުކާރުގެ ކުރީކޮޅުގައި އިންޑިޔާއާއި ރާއްޖެއާއި ދެމެދުގެ ގުޅުން ގޯހުން ގޯހަށް ގޮސް، ދޭދޭ ޤައުމުގެ ގުޅުން ޚައްސާސް ވިއެވެ.
އިންޑިޔާގެ ބޮޑުވަޒީރު ނަރެންދުރަ މޯދީ އިންޑިއާގެ ރަށެއް ކަމަށްވާ މަލިކަށް ގޮސް ނެގި ޝޫޓުތަކެއް ހިއްސާކޮށް ކުރި ޓުވީޓެއްގެ ސަބަބުން ދިވެހިންގެ ލޭ ކެކިގަތެވެ.
މި ކޯޅުން ގަނޑުގެ ތެރޭގައި ސަރުކާރުގެ ވުޒާރާތަކުގައި ތިބި ސިޔާސީ އެކްޓިވިސްޓުންތަކެއް ބޮޑުވަޒީރު ނަރެންދުރަ މޯދީއަށް ބަދުބަސް ބުނެ ރާއްޖެއިން އިންޑިޔާއާއި ބާއްވަމުން އައި ގުޅުން ކަނޑާލައި އިންޑިޔާ ނޫން ގޮތެއް ހޯދުމަށް ގޮވާލައި އިންޑިޔާ ބޮއެކެޓް ކުރުމަށް ގޮވާލިއެވެ.
މިކަންތަކުގެ ތެރެއިން ކެކި ގަތީ ދިވެހިންގެ ލޭ އެކަންޏެއް ނޫނެވެ.
އިންޑިޔާގެ އެތަކެއް ބަޔަކުވެސް ރާއްޖޭގެ ފަތުރުވެރިކަން ބޮއެކެޓް ކޮށް އިންޑިޔާގެ ފަތުރުވެރިން އެ ޤައުމުގެ ތަންތަން އިޚްތިޔާރު ކުރުމަށް ގޮވައިލަން ފެށިއެވެ.
އޭގެ ތެރޭގައި އިންޑިޔާގެ ނަން މަޝްހޫރު، އަދި ޗުއްޓީ ހޭދަކުރުމަށް އާންމުކޮށް ރާއްޖެ އަންނަ ތަރިން ވެސް ހިމެނެއެވެ.
އެހެން ނަމަވެސް މިފަހުން ރާއްޖެއާއި އިންޑިޔާގެ ގުޅުން ރަނގަޅު ވާން ފަށައި އިންޑިޔާގެ ފަންނާނުން މި ވަނީ ރާއްޖެ ޒިޔާރަތްކުރަން ފަށައިފައެވެ.
އޭގެ ތެރޭގައި ރާއްޖެ ބޮއެކެޓް ކުރުމަށް އެންމެ ގަދައަށް މީސްމިޑިޔާގައި ގޮވައިލީ އިންޑިޔާގެ މަޝްހޫރު ފަންނާނު އަކްޝޭ ކުމާރުވެސް ހިމެނެއެވެ.
އަކްޝޭ ރާއްޖެ އައިސް ވެލާނާ އިންޓަރނޭޝަނަލް އެއަރޕޯޓުން އޭނާއާއެކު އެމްއޭސީއެލްގެ މުވައްޒަފަކު ނަގައިފައިވާ ފޮޓޯއެއް މިވަނީ މީސް މީިޑިޔާގައި ދައުރުވާން ފަށައިފައެވެ.
އަކްޝޭގެ އިތުރުންވެސް ބޮލީވުޑް ގެ “ހިޓް” ދެމަފިރިން ކަމުގައިވާ ކަރީނާ އާއި ސައިފުވެސް ދެ މީހުންގެ ދަރިންނާއެކު ރާއްޖެގައި އަންނަނީ ޗުއްޓީ ހޭދަކުރަމުންނެވެ.
އެގޮތުން އޭނާގެ އޮފިޝަލް އިންސްޓަގުރާމުގައި ހިއްސާކޮށްފައިވާ ޕޯސްޓެއްގައި ކަރީނާ ވަނީ ރާއްޖެ އައިސްފައިވާކަން ހާމަކޮށްފައެެވެ. އެގޮތުން އޭނާ ބުނެފައިވަނީ އިންޑިއާގައި ދިވާލީ ފާހަގަކުރުމުގެ ބަދަލުގައި ރާއްޖެ ފަދަ ހިތްގައިމު މަންޒިލެއްގައި ފާހަގަ ކުރަން ބޭނުންވާ ކަަމަށެވެ.
https://www.instagram.com/p/DB1HsSMyDLL/?igsh=c3Fyem56ZWs0OXph
ހަމައެޔާއެކު ބޮލީވުޑްގެ މަޝްހޫރު ތަރިއެއް ކަމަށްވާ ސަލްމާން ޙާންގެ ކޮއްކޮ އަރްޕިތާ ޙާން އާއި އޭނާގެ ފިރިމީހާ ކަމުގައިވާ އެކްޓަރ އަޔުޝް ޝަރްމާވެސް އެމީހުންގެ ދެކުދިން ގޮވައިގެން ރާއްޖޭގައި އަންނަނީ ޗުއްޓީ ހޭދަކުރަމުންނެވެ.
އަޔުޝް އޭނާގެ އޮފިޝަލް އިންސްޓަގުރާމުގައި ހިއްސާކޮށްފައިވާ ޕޯސްޓެއްގައި އެމީހުން ރާއްޖޭގައި ޗުއްޓީ ހޭދަކުރަމުންދާ ކަމަށް ވަނީ ހާމަކޮށްފިއެވެ. އެގޮތުން އާޔުޝް ހިއްސާކޮށްފައިވާ ޕޯސްޓުގައި ބުނެފައިވަނީ ރާއްޖެ އަކީ “ޕެރަޑައިޒެއް” ކަމަށާއި އާއިލާއާ އެކުގައި ވަރަށް އުފާވެރި ހިތްހަމަ ޖެހޭފަދަ ވަގުތުކޮޅެއް ރާއްޖޭގައި ހޭދަކުރަމުން އަންނަ ކަމަށެވެ. އަދި ރާއްޖެއަކީ ޤުދުރަތީ ގޮތުން ވަރަށް ފުރިހަމަ ކަމެއް ލިބިފައިވާ ޤައުމެއް ކަމަށް ބުނެފައިވެއެވެ.
https://www.instagram.com/p/DB0VbR0SKdN/?igsh=MTFmZXl2MWdyYjE2Yg==
ރާއްޖެއާއި އިންޑިޔާގެ ގުޅުން އެންމެ ބޮޑަށް ހީނަރުވީ، މިސަރުކާރުން ވެރިކަމަށް އައުމުގެ ކުރިން ކުރިއަށް ގެންދިޔަ އިންޑިޔާ އައުޓް ކެމްޕެއިންގެ އިތުރުން، އިންޑިއާގެ ބޮޑުވަޒީރު ނަރެންދުރަ މޯދީ ލަކްޝަދީބުގެ ފަތުރުވެރިކަން އިސްތިހާރުކުރުމުން އިންޑިއާއަށް ނިސްބަތްކޮށް އެކްސްގައި ޔޫތު މިނިސްޓްރީގެ ކުރީގެ ޑެޕިއުޓީ މިނިސްޓަރުންތަކެއް މަލާމާތް ކުރި މައްސަލައިގައެވެ.
