އެޕަލްއިން އިއުލާން ކުރި އައު މެކް މިނީ މިއަދުން ފެށިގެން ގަންނަން ލިބޭނެވެ.
އެމް4 އަދި އެމް4 ޕްރޯ ޗިޕް ބޭނުންކޮށްގެން ފަރުމާކުރެވިފައިވާ، މި އައު މެކް މިނީއަކީ ކުރީގެ މޮޑެލްތަކަށްވުރެ ކުޑަ އަދި ވަރުގަދަ ކޮމްޕިއުޓަރެކެވެ. މިއީ އެޕަލްގެ ފުރަތަމަ ކާބަން ނިއުޓްރަލް މެކް ކަމުގައިވެސް ވެއެވެ.
މި އައު މެކް މިނީގެ މައިގަނޑު ސިފަތަކުގެ ތެރޭގައި:
- 5 – 5 އިންޗީގެ ކުޑަ ސައިޒެއްގައި ފަރުމާކުރެވިފައި
- އެމް1 މޮޑެލްއާ އަޅާބަލާއިރު 1.8 ގުނަ އަވަސް ސީޕީޔޫ ޕަފޯމަންސް
- އެމް1 މޮޑެލްއާ އަޅާބަލާއިރު 2.2 ގުނަ އަވަސް ޖީޕީޔޫ ޕަފޯމަންސް
- ފެށޭ އަގުގެ ގޮތުނގައި 599 ޑޮލަރު
- 16ޖީބީ ޔުނިފައިޑް މެމޮރީއާއެކު ލިބެންހުންނާނެ
މި އުފެއްދުމުގައި ތަންޑަބޯލްޓް 5 ޕޯޓްތަކާއި (އެމް4 ޕްރޯ މޮޑެލްގައި)، ކުރިމަތީގައި ޔޫއެސްބީ-ސީ ޕޯޓްތަކާއި އޯޑިއޯ ޖެކް ހިމެނިފައިވެއެވެ. އަދި އެޕަލް އިންޓެލިޖެންސް ސިސްޓަމްވެސް މި އުފެއްދުމުގައި ހިމެނެއެވެ.
ތިމާވެށްޓަށް ސަމާލުކަން ދިނުމުގެ ގޮތުން މި އުފެއްދުމުގައި 50% އަށްވުރެ ގިނަ ރީސައިކަލް ކުރެވިފައިވާ މެޓީރިއަލް ބޭނުންކޮށްފައިވާއިރު، 100% ރީސައިކަލް ކުރެވިފައިވާ އެލުމިނިއަމް އެންކްލޯޝަރ އަދި 100% ރިނިއުވަބަލް އިލެކްޓްރިސިޓީ ބޭނުންކޮށްގެން އުފައްދާފައިވާ އުފެއްދުމެކެވެ.
އެޕަލްގެ ސީނިއަރ ވައިސް ޕްރެޒިޑެންޓް އޮފް ހާޑްވެއަރ އިންޖިނިއަރިންގ، ޖޮން ޓަރނަސް ވިދާޅުވި ގޮތުގައި، މި އައު މެކް މިނީއަކީ އެޕަލް ސިލިކޮންގެ ހަކަތައިގެ ފުރިހަމަ ބޭނުން ހިފައިގެން އުފައްދާފައިވާ، އިންޤިލާބީ އުފެއްދުމެކެވެ.
މި އުފެއްދުމަކީ ދަރިވަރުންނާއި، ކުދި ވިޔަފާރިތަކާއި، އާންމު ބޭނުންތަކަށް އަމާޒުކޮށްގެން ތައްޔާރުކޮށްފައިވާ ކޮމްޕެކްޓް ކޮމްޕިއުޓަރެކެވެ. މީގެ އިތުރުން މިއީ ޕްރޮފެޝަނަލް ބޭނުންތަކަށްވެސް އެކަށީގެންވާ ވަރުގަދަ ސިސްޓަމެކެވެ.
