ރާއްޖޭގައި ޤަވާއިދާއި ޚިލާފަށް އުޅެމުން އަންނަ ބިދޭސީންގެ މައްސަލަ ޙައްލުކުރުމަށް ހޯމް މިނިސްޓްރީއާއި އިމިގްރޭޝަން ގުޅިގެން ހިންގަމުން އަންނަ އޮޕަރޭޝަންގެ ތެރެއިން ނުޤަވާއިދުން މާލޭގައި މަސައްކަޔް ކުރަމުން ދިޔަ 13 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮއްސިއެވެ.
އެގޮތުން މި މަހުގެ 6 ވަނަ ދުވަހު އިމިގްރޭޝަންގެ ފަރާތުން މާލޭގައި ކުރިއަށް ގެންދިޔަ ރެއިޑުގެ ތެރެއިން މާލޭގައި ބިދޭސީން ދިރިއުޅެމުންދިއަ ދެ ތަނެއް ބަލައި ފާސްކޮށް، ސައްހަ ވިސާއެއް ނެތި ޤަވާއިދައި ޚިލާފަށް އުޅެމުންދިޔަ 13 ބިދޭސީއަކު ހައްޔަރު ކޮށްފައިވާ ކަމަށް އިމިގްރޭޝަނުން ބުނެފައިވެއެވެ.
އިމިގްރޭޝަނުން މި އޮޕަރޭޝަން ހިންގަނީ ދީފައިވާ ހުއްދައިގެ ބޭރުން ރާއްޖޭގައި އުޅެމުން އަންނަ ބިދޭސީންނާއި ޤަވާއިދާ ޚިލާފަށް ކުދި އަދި މެދު ފަންތީގެ ވިޔަފާރި ކުރަމުން އަންނަ ބިދޭސީން ދެނެގަނެ، އިމިގްރޭޝަން ޤާނޫނުގެ ދަށުން ފިޔަވަޅު އެޅުމަށެވެ.
އެގޮތުން މި އޮޕަރޭޝަންގެ ތެރެއިން ފާއިތުވި އަހަރެއްހާ ދުވަހުގެ ތެރޭގައި 4000ށް ވުރެ ގިނަ ބިދޭސީން އަނބުރާ ޤައުމަށް ފޮނުވާލެވިފައިވާކަމަށާއި ސަރުކާރުގެ އަމާޒަކީ އެއް އަހަރު ދުވަހުގެ ތެރޭގައި 5000 ބިދޭސީން ޤައުމަށް ފޮނުވާލުން ކަމުގައި ކޮންޓްރޯލަރ ޖެނެރަލް އޮފް އިމިގްރޭޝަން މުހައްމަދު ޝަމްޢާން ވަހީދު މި ފަހުން ވަނީ ވިދާޅުވެފައެވެ.
އަދި މި އަމާޒަށް ވާޞިލްވެވޭނެ ކަމުގެ ޔަޤީންކަން އެބަ އޮތްކަމުގައިވެސް އެބޭފުޅާ ވިދާޅުވިއެވެ.
