ރ އަތޮޅު މާކުރަތަށް ނިސްބަތްވާ އުމުރުން 21 އަހަރުގެ ޒުވާނަކު ގެއްލިގެން ހޯދަމުން އަންނަކަމަށް ފުލުހުން އިއުލާނުކޮށްފިއެވެ.
ގެއްލިގެން ހޯދަމުން ދަނީ ރ. މާކުރަތު / ތިންތަރި، އަހްމަދު ޝާހީނެވެ.
ފުލުހުން ހާމަކުރިގޮތުގައި ޝާހީން ގެއްލިގެން ހޯދަމުން އަންނަނީ، އާއިލާއަށް ހަބަރެއްނުވެ އޭނާ ގެއްލިފައިވާ ކަމަށް ފުލުހުންނަށް ރިޕޯޓުކޮށްފައިވާތީ ކަމަށާއި އޭނާ ހޯދުމުގެ މަސައްކަތް އެ އިދާރާއިން މިހާރު ކުރަމުން އަންނަ ކަމަށެވެ.
އަޙްމަދު ޝާހީންގެ ޚަބަރެއް އެންމެ ފަހުން ވެފައިވަނީ ނޮވެމްބަރު 6 ވަނަ ދުވަހު ފޯނުން ކަމަށް އޭނާގެ އާއިލާއިން ފުލުހުންނަށް މައުލޫމާތުދީފައިވާކަމަށްވެސް ފުލުހުން ވަނީ ބުނެފައެވެ.
ފުލުހުން ވަނީ، އަޙްމަދު ޝާހީންގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަނުގެ ނަންބަރު 9393351 އަށް ގުޅުއްވައި އެ މައުލޫމާތު ހިއްސާކުރުމަށް އެދިފައެވެ.
