9 ލައްކަ ރުފިޔާގެ ޑްރަގާއެކު ޕެކޭޖެއް ރާއްޖެ އެތެރެކުރި މީހަކު ހައްޔަރުކޮށްފިއެވެ.
ކޫރިއަރ މެދުވެރިކޮށް ރާއްޖެ އެތެރެކުރަން އުޅުނު މި ޕެކޭޖުން ފެނުނު މަސްތުވާތަކެތީގެ ބަރުދަނުގައި 395 ގްރާމް ހުރިކަމަށް މޯލްޑިވްސް ކަސްޓަމްސް ސާވިސްއިން ބުނެއެވެ.
އެގޮތުން މި ތަކެތި ފެނިފައި ވަނީ، ރާއްޖެ ގެނައި ޕެކޭޖެއް ބަލައިފާސްކުރުމުގެ ތެރޭގައި ޝައްކުކުރެވޭ ޒާތުގެ ބާވަތްތަކެއް ހުރުމުން، އިތުރަށް ބަލާ ފާސްކުރުމުގެ ތެރޭގައި ކަމަށް ކަސްޓަމްސްއިން ބުނެއެވެ.
އެގޮތުން މި މަހުގެ 30 ވަނަ ދުވަހު އަތުލައިގެން މި ތަކެތީގެ ތަހުލީލުތަކުން އެ ތަކެތި މަސްތުވާތަކެއްޗަށް ފައްސިވެފައިވާކަމަށް ކަސްޓަމްސް އިން ބުނެއެވެ.
އަދި އެކަމުގައި ޝާމިލްވާ ދިވެހި ފިރިހެނަކު ހައްޔަރުކޮށް ފުލުހުންނާއި ހަވާލުކޮށްފައިވާ ކަމަށް އެ އިދާރާއިން ވަނީ ބުނެފައެވެ.
