ރާއްޖޭގެ އެކި ހިސާބުތަކަށް މޫސުން ގޯސްވެ ވިއްސާރަވުމުގެ ސަބަބުން މޫސުން ގޯސްވެދާނެކަމަށް ލަފާކޮށް، ރާއްޖޭގެ ބޮޑު ސަރަހައްދަކަށް މޫސުމާއި ބެހޭ ޤައުމީ އިދާރާއިން ރީނދޫ ސަމާލު ނެރެފިއެވެ.
މިއަދު ހެނދުނު 7:15 އިން ފެށިގެން 11:15 އާއި ހަމައަށް ށ. އަތޮޅުން ފެށިގެން އދ. އަތޮޅާއި ދެެމެދުގެ ސަރަހައްދުތަކަށް ނެރުނު ހުދު ސަމާލުގައި ބުނެފައިވަނީ، އެ ގަޑިތަކުގައި ބޯކޮށް ވާރޭވެހި، ގުގުރާނެ ކަމަށް ލަފާކުރެވޭ ކަމަށެވެ.
މިދުވަސް ވަރަކީ ރާއްޖެއަށް ހުޅަނގު މޫސުން ނިމި, އިރުވައި މޫސުން ފެށޭ ދުވަސްވަރު ކަމަށްވުމުން މި ދުވަސްވަރު އާއްމުކޮށް ކޮޅިގަނޑުތައް އުފެދޭނެ ކަމަށް މޫސުމާއި ބެހޭ ޤައުމީ އިދާރާއިން ބުނެއެވެ.
އެގޮތުން ބަންގާޅު ކަނޑުގައި ގޮޅިގަނޑެއް އުފެދި ކުރިއަށް އޮތް ދެ ދުވަހުގެ ތެރޭގައި ދެކުނު އިންޑިއާގެ ޓަމިލްނާޑޫއާ ދިމާލު އައްސޭރި ފަށަށް މިސްރާބު ޖަހާނެ ކަމަށް މެޓުން ބުނެއެވެ. އަދި މި ހަފުތާގެ ތެރޭގައި ރާއްޖޭގެ ދުރުން ދެކުނުގައި ވެސް ކޮޅިގަނޑެއް އުފެދޭނެ ކަމަށް މެޓުން ލަފާ ކުރެއެވެ.
މެޓުން ލަފާކުރާގޮތުގައި މާދަމާއިން ފެށިގެން ކުރިޔަށް އޮތް ފަސް ދުވަހު ވެސް ރާއްޖޭގެ ހުރިހާ ހިސާބުތަކަކަށް އާންމު ގޮތެއްގައި ވައި ބާރުވާނެއެވެ.
