بسم الله الرحمن الرحيم ، الحمد لله رب العالمين، و الصلاة و السلام على رسول الله -صلوات الله و سلامه عليه- وعلى آله و صحبه أجمعين.
ހުރިހާ ފާފަތަކެއްގެ -ކުޑައާ ބޮޑުފާފަތަކުުގެ- އަޞްލުތަކަކީ (މަޞްދަރަކީ) ތިން ކަމެކެވެ.
އެއީ الله ނޫން ފަރާތަކަށް ހިތް ބަރޯސާވެ ތަތްވުމާ،
އަދި ރުޅިވެރިކަމުގެ ބާރަށް ކިޔަމަންވުމާ،
އަދި ޝަޙްވާނީ ބާރަށް ކިޔަމަންވުމެވެ.
އެއީ ޝިރުކާއި ، އަނިޔާވެރިކަމާއި އަދި ފާޙިޝް ކަންތައްތަކެވެ.
ފަހެ الله ނޫން ފަރާތަކަށް ހިތް ބަރޯސާވުން އެންމެ ފަހުން ވާޞިލުވާނީ ޝިރުކު ކުރުމަށާއި އަދި الله تعالى އާއެކު އެހެން ފަރާތަކަށް ދުޢާ ދެންނެވުމާށެވެ.
އަދި ރުޅީގެ ބާރުގެ ދަށުގައި ކިޔަމަންވުން އެންމެ ފަހުން ނިމޭނީ ޤަތުލަށެވެ.
އަދި ޝަހުވާނީ އެދުންތަކުގެ ބާރުގެ ދަށުގައި ކިޔަމަން ވުން އެންމެ ފަހުން ނިމޭނީ ޒިނޭއަށެވެ.
އެހެންކަމުން މި ތިން ކަންތައް الله تعالى ވަނީ އެއިލާހުގެ މި ވަޙީ ބަސްފުޅުގައި ޖަމާ ކުރައްވާފައެވެ. وَالَّذِينَ لَا يَدْعُونَ مَعَ اللَّهِ إِلَـٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ (އަލް ފުރުޤާން – 68), (މާނައީ: އެބައިމީހުންނީاللَّه އާއެކު އެހެން إله އަކަށް ދުޢާކޮށް އަޅުކަން ނުކުރާ މީހުންނެވެ. އަދި اللَّه، حرمة ތެރި ކުރައްވާފައިވާ نفس އެއް، حق ގޮތުންނޫނީ، ނުމަރާ މީހުންނެވެ. އަދި ޒިނޭނުކުރާ މީހުންނެވެ.
މަޞްދަރު : އިމާމް އިބްނުލް ޤައްޔިމް ރަހިމަހު ﷲ ލިޔުއްވާފައިވާ الفوائد، ޞ 81.
