މިއަދު ބޭއްވުނު މާލެ ސިޓީ މޭޔަރ ބައި އިލެކްޝަން އިންތިހާބް އެމްޑީޕީގެ ކެންޑިޑޭޓް ކުރީގެ އެމްޓީސީސީގެ މެނެޖިންގް ޑިރެކްޓަރ އާދަމް އާޒިމް ކާމިޔާބު ކުރައްވައިފިއެވެ.
40 ފޮށީގެ ވަގުތީ ނަތީޖާ ދައްކާ އާދަމް އާޒިމް ދަނީ 45 އިންސައްތަ ވޯޓް ކާމިޔާބު ކުރައްވާފައިއެވެ. ވާދަވެރި ޕީއެންސީ ކެންޑިޑޭޓް އަށް ލިބިފައިވަނީ 29 އިންސައްތަ ވޯޓެވެ. މި އިންތިހާބުގައި ޖުމްލަ 55 ވޯޓް ފޮއްޓެއް ބަހައްޓާފައިވެއެވެ. ބާކީ ހުރި ވޯޓް ފޮށިތަކުން މާ ބޮޑު ބަދަލެއް އިންތިހާބުގެ ނަތީޖާއަށް އަންނާނެކަމަށް ނުބެލެވެއެވެ.
56,000 އަށް ވުރެ ގިނަ މާލޭ ރައްވެހިންނަށް ވޯޓް ލުމުގެ ހައްގު ލިބިގެންވާއިރުގައި މިގެ ތެރެއިން މިއަދު ވޯޓްލާފައިވަނީ ގާތްގަނޑަކަށް 30 އިންސައްތަ މީހުންނެވެ.
އާދަމް އާޒިމް އިންތިހާބު ކާމިޔާބު ކޮއްފައިވަނީ ވެރިކަން ކުރާ ޕާޓީގެ ކެންޑިޑޭޓް އާޒިމާ ޝުކޫރު ބަލިކުރުމަށްފަހުގައި ކަން ފާހަގަކޮއްލެވެއެވެ.
