ހުޅުމާލެއާ ދިމާލުން ބޭރުގައި އޮންނަ ޑައިވިންގ ޕޮއިންޓަކަށް އެރުނު ފަތުރުވެރިއެއްގެ ފައި ޑައިވިން ދޯނީގެ ބުރަފަތުގައި ޖެހި ބުރިވެއްޖެއެވެ.
ހެނދުނު 08:30 ހާއިރު ފުލުހުންނަށް މިމައްސަލަ ރިޕޯޓްކޮށްފައިވާ ކަމުގައި ފުލުހުން މަޢުލޫމާތު ދެއެވެ.
ފުލުހުން ބުނާގޮތުގައި މިހާދިސާގައި އަނިޔާވީ އެމެރިކާގެ 63 އަހަރުގެ އަންހެނަކަށެވެ. އަނިޔާވި އަންހެން މީހާގެ ފައިގެ ކަކުލުން ތިރި އެއްކޮށް ބުރިވެފައިވާ ކަމަށާއި މިހާރު އެ އަންހެންމީހާއަށް ޓްރީޓޮޕް ހޮސްޕިޓަލުގައި ފަރުވާދެމުންދާކަމަށް ފުލުހުން މަޢުލޫމާތުދެއެވެ.
މިޙާދިސާ ހިނގިގޮތް ފުލުހުން ދަނީ އިތުރަށް ތަހުޤީގު ކުރަމުންނެވެ.
