ސްރީލަންކާގެ ދެކުނުގެ އަވަށެއްކަމަށްވާ ބެލިއައްޓާގައި އެޤައުމުގެ ސިޔާސީ ޕާޓީއެއް ކަމަށްވާ “އަވަރ ޕީޕަލްސް ޕާޓީ”ގެ ލީޑަރު ސަމަން ޕެރޭރާ ބަޑީގެ ހަމަލާއެއްގައި މަރާލައިފިއެވެ.
ސަމަން ޕެރޭރާއާއި އިތުރު ބަޔަކު ދުއްވާފައި އައި ކާރަށް ބަޔަކު ހަމަލާދިނީ ހެނދުނުގެ ނާސްތާކުރުމަށް މަޑުކޮށްލައިގެން ތިބި ވަގުތެއްގައެވެ. މިހަމަލާގައި 5 މީހަކު މަރުވެފައިވާ ކަމަށް ސްރީލަންކާ ފުލުހުން ވަނީ ހާމަކޮށްފައެވެ.
ސްރީލަންކާގެ މަޖިލީހުގެ ގޮނޑިއެއް ވަރަށްފަހުން ކާމިޔާބުކޮށްފައިވާ އޯޕީޕީގެ އެތެރޭގައި މައްސަލަޖެހުނުފަހުން ސަމަން ޕެރޭރާ ވަނީ މަޖިލީހުގައި އެޕާޓީ ތަމްސީލުކުރައްވާނީ އޭނާ ކަމުގައި އިއުލާން ކުރައްވާފައެވެ.
