ވޯޓު އޮޅުވާލި ކަމަށް ސަރުކާރުގެ އޮފިޝަލަކު އިއުތިރާފުވުމާގުޅިގެން އެކަމާ ދެކޮޅަށް ކުރީގެ ބޮޑުވަޒީރު އިމްރާން ޚާންގެ ޕާޓީން އިހުތިޖާޖު ކުރުމަށް އެޕްލެޓްފޯމް މެދުވެރިކޮށް ގޮވާލައިފައިވާއިރު، ފެބްރުއަރީ މަހުގެ މެދުތެރެއިން ފެށިގެން އެކްސް ބޭނުންކުރުމުގައި މައްސަލަތަކެއް އުޅޭ ކަމަށް ގިނަ ބަޔަކު ރިޕޯޓްކޮށްފައިވެއެވެ.

އޭރު ސަރުކާރާއި ދައުލަތުގެ ރެގިއުލޭޓަރީ އިދާރާ ޕާކިސްތާން ޓެލެކޮމިއުނިކޭޝަން އޮތޯރިޓީ (ޕީޓީއޭ) އިން ވެސް ވަނީ އިންޓަނެޓް ވޮޗްޑޮގް ގްރޫޕްތަކުން އެކްސް ބްލޮކް ކުރުމާބެހޭ ގޮތުން އެއްޗެއް ބުނަން ދެކޮޅު ހަދާފައިވީ

ނަމަވެސް، އިއްޔެ އިންޓީރިއާ މިނިސްޓްރީން ކޯޓަށް ހުށަހެޅި ލިޔުމެއްގައި ވަނީ އިންތިޚާބާ ދިމާކޮށް އެކްސްއަށް ހުރަސްއެޅި ކަމަށް ބުނެފައެވެ.

އެ މައްސަލަ ހައްލުކުރަން އެ ޕްލެޓްފޯމުން މަސައްކަތް ނުކުރާ ކަމަށް ވެސް ލިޔުމުގައި ބުނެފައިވެއެވެ.

އެކްސް ވަގުތީ ގޮތުން ބްލޮކް ކުރަން ނިންމީ ޕާކިސްތާނުގެ އިންޓެލިޖެންސާއި ސަލާމަތީ އިދާރާތަކުގެ ސިއްރު ރިޕޯޓްތަކަށް ރިއާޔަތް ކުރުމަށް ފަހު ކަމަށް ރިޕޯޓުގައި ވެއެވެ.

ސިންދު ހައި ކޯޓުން އިއްޔެ ވަނީ އެ ޕްލެޓްފޯމް އެއް ހަފުތާގެ ތެރޭގައި އަލުން އިއާދަކުރުމަށް ސަރުކާރަށް އަންގައިފައެވެ.