ގަދަ ގޮޅިގަނޑެއްގައި ޖެހި ގަތަރު އެއާރވޭސްގެ ފްލައިޓަކުން ދަތުރު ކުރި 12 މީހަކަށް އެކި ވަރުގެ އަނިޔާވެއްޖެއެވެ.
ގަތަރުގެ ވެރިރަށް ދޯހާއިން ފުރައިގެން އަޔަލޭންޑްގެ ޑަބްލިން އަށް ދަތުރު ކުރި މި ފުލައިޓަށް ކޮޅިގަނޑަކާދިމާވީ ތުރުކީ މަތިން ދަތުރު ކުރަމުން ދަނިކޮށް ކަމަށް އެ އެއާލައިން އާއި ހަވާލާދީ ސީއެންއެން އިން ވަނީ ރިޕޯޓް ކޮއްފައިއެވެ. އަނިޔާވެފައިވަނީ ދަތުރު ކުރަމުންދިޔަ 6 ފަސިންޖަރުންނާއި 6 ކުރޫއިންނަށެވެ.
ފްލައިޓު ޑަބްލިން އެއާޕޯޓަގައި ޖެއްސިއިރުގައި އެ އެއާޕޯޓަ އެމަޖެންސީއަށް ގެނެސް ސަލާމަތީ ފަތާރަތްތަކުން ވަނީ ހަރަކާތްތެރިވެފައެވެ. އަދި އަނިޔާވެފައިވާ މީހުންނަށް ސިއްހީ ފަރުވާދީފައެވެ.
ޑަބްލިން އެއާޕޯޓިން ނެރުނު ބަޔާނެއްގައި ބުނެފައިވަނީ ގަތަރު ފުލައިޓްގެ 12 މީހަކަށް އެކިވަރުގެ އަނިޔާވެފައިވާ ކަމަށާއި, އަދި އެންމެ އިސްކަމެއްދޭނީ އަނިޔާ ލިބިފައިވާ ފަރާތްތަކަށް ބޭނުންވާ ސިއްހީ ފަރުވާ ފޯރިކޮއްދިނުމަށް ކަމަށެވެ. މި ހާދިސާ ކަމާ ބެހޭ ފަރާތްތަކުން އިތުރަށް ތަހުގީގު ކުރަމުންދާ ކަމަށްވެސް ބަޔާނުގައި ބުނެފައިއެވެ.
މި ދިޔަ ހަފްތާ އަންގާރަ ދުވަހު ލަންޑަންއިން ސިންގަޕޫރަށް ދިޔަ ސިންގަޕޯ އެއާލައިންސް ފުލައިޓަށްވެސް ކޮޅިގަނޑަކާއި ދިމާވެ އެ ފްލައިޓުން ދަތުރު ކުރި އެކަކު މަރުވެ, 104 މީހުންނަށް ވަނީ އަކި ވަރުގެ އަނިޔާތަށް ލިބިފައެވެ. މިހާދިސާގައި އެ ފްލައިޓަށްވެސް ވަނީ ބޮޑެތި ގެއްލުންތަކެއް ލިބިފައެވެ.
