ލުބްނާނުގެ އަވްކާރުގައި ހުންނަ އެމެރިކާ އެމްބަސީއާއި ދިމާލަށް މީހަކު ބަޑިޖަހައި ހަމަލާދީފިއެވެ.
ލުބުނާނުގެ ސިފައިން ނެރުނު ބަޔާނެއްގައި ބުނެފައި ވަނީ ބުދަދުވަހު އެމްބަސީއާ ދިމާލަށް ހަމަލާދިން މީހާއަށް ރައްދުގައި ބަޑިޖަހައި ޒަހަމްކޮށްލާފައިވާ ކަމުގައެވެ. އެމީހާ ވަނީ ފަހުން ފަރުވާ ދިނުމަށް ހޮސްޕިޓަލަށް ގެންގޮސްފައެވެ.
އެސަރަހައްދުގެ ހަބަރުދޭ މީޑިއާތަކުން ރިޕޯޓްކުރާގޮތުގައި އެމީހާއަކީ ސީރިޔާއަށް ނިސްބަތްވާ މީހެއް ކަމަށާއި, އެމީހާ ލައިގެން ހުރި ވެސްޓުގައި “އިސްލާމިކް ސްޓޭޓް” މިގޮތަށް ލިޔެފައި ވުމުން, އެމީހާއަކީ އައިއެސް އައިއެސް އާއި ގުޅުން ހުރި މީހެއް ކަމަށް ލަފާކުރެވޭ ކަމުގައެވެ.
މިހަމަލާގައި އެ އެމްބަސީގެ އެއްވެސް މުވައްޒަފަކަށް ގެއްލުން ލިބިފައި ނުވެއެވެ.
