އުމުރުން 5 އަހަރު ނުފުރޭ ޣައްޒާގެ 8000 ކުދިންނަށް ބަނޑުހައިހޫނުކަމުގެ ސަބަބުން ދިމާވާ މަލްނިއުޓްރިޝަންއަށް ފަރުވާ ދިފައިވާކަމަށް ޑަބްލިއު އެޗްއޯ އިން ހާމަކޮށްފިއެވެ.
ބުދަ ދުވަހު ޑަބްލިއު އެޗްއޯ އިން ނެރުނު ބަޔާނެއްގައި ބުނެފައިވަނީ މިހާތަނަށް އެތަނުން 28 ކުއްޖަކު ނިޔާވެފައިވާކަމަށާއި, އެސަރަހައްދުގައި ބަނޑުހައިހޫނުކަން އިތުރަށް ފެތުރުމުގެ ކަންބޮޑުވުންތައް ހުރިކަމަށެވެ. އެސަރަހައްދުގައި މީގެ 8 މަސް ކުރިން އަލުން ހަމަލާތައް ފެށުނު ފަހުން ޣައްޒާއަށް ކާބޯތަކެތި ވައްދާ ގިނަ މަގުތަކެއް އިޒްރާއިލުންވަނީ ބަންދުކޮށްފައެވެ.
ޣައްޒާގައި އިޒްރާއިލުން ކެނޑިނޭޅި ދެމުންދާ ހަމަލާތަކުގައި މިހާތަނަށް ފަލަސްތީނުގެ 36,000 އަށްވުރެ ގިނަ މީހުން މަރުވެފައި ވެއެވެ.
