އާންމު އިންތިހާބުތަކުގައި ވާދަކުރުން ޕާކިސްތާނުގެ ކުރީގެ ބޮޑުވަޒީރަށް މުޅި އުމުރަށް މަނާކޮށްފައި އޮތް އޮތުން ގާނޫނުއަސާސީއާ ހިލާފް ކަމަށް އެ ގައުމުގެސުޕްރީމް ކޯޓުން އިއްޔެ ނިންމައިފި އެވެ.

ފެބްރުއަރީ މަހު 8 ވަނަ ދުވަހުގައި  ޕާކިސްތާނުގައި އިންތިހާބު ބޭއްވުމަށް ހަމަ ޖެހިފައިވާއިރު، އެންމެ މަގުބޫލު އިދިކޮޅު ކެންޑިޑޭޓް ކުރީގެ ބޮޑުވަޒީރު ނަވާޒްޝަރީފް ހުރީ ޖަލުގަ އެވެ.

ނަވާޒް ޝަރީފް 2017 ވަނަ އަހަރު ވެރިކަމުް ދުރުކޮށް އިންތިހާބުތަކުގައި ވާދަކުރުން މުޅި އުމުރަށް މަނާކުރީ ސުޕްރީމް ކޯޓުގެ ހުކުމަކުންނެވެ

. އޭގެ ފަހުން ޖަލުގައި އެތައް ދުވަހަކު އޮންނެވުމަށް ފަހު، ގައުމުން ބޭރުގައި އުޅުއްވުމަށް އެއްބަސްވެ ވަޑައިގަތުމުން ޖަލުން މިނިވަންކޮށް 2019 ވަނަ އަހަރުއިނގިރޭސި ވިލާތަށް ފޮނުވި އެވެ.

ސުޕްރީމް ކޯޓުން އިއްޔެ ކުރި ހުކުމުގައި ބުނީ އެއްވެސް މީހަކު މުޅި އުމުރަށް އިންތިހާބުތަކުން ސަސްޕެންޑް ނުކުރެވޭނެ ކަމަށާއި އެއީ އިންތިހާބުތަކުގައިވާދަކުރުމާއި ވޯޓު ދިނުމަކީ ފަރުދީ އަސާސީ ހައްގެއް ކަމަށް ވާތީ ކަމަށެވެ.

ނަވާޒް ޝަރީފް އިންތިހާބުގައި ވާދަކުރައްވާނީ ޕާކިސްތާން މުސްލިމް ލީގް (ނަވާޒް) ގެ ލީޑަރެއްގެ ގޮތުންނެވެ. އޭނާއާ ވާދަވެރި އިމްރާން، 71، ވެރިކަމުންދުރުކޮށް ހައްޔަރުކުރުމަށް ފަހު އިއްވި ހުކުމްތަކުގައި އަދިވެސް އޮތީ ޖަލުގަ އެވެ