ކޮވިޑް-19 އިން ރައްކާތެރިވާން ދޭ ވެކްސިންގެ 7.4 މިލިއަން ޑޮލަރުގެ ވެކްސިން ބޭނުން ނުކޮށް ހުއްޓާ މުއްދަތު ހަމަވެ އުކާލަން ޖެހިފައިވާ ކަމަށާއި އިތުރުސްޓޮކެއްގެ މުއްދަތު އަންނަ އަހަރު ވެސް ހަމަވާނެ ކަމަށް ޔުގެންޑާއިން ބުނެފި އެވެ.
12.6 މިލިއަން ޑޮލަރުގެ ކޮވިޑް ވެކްސިން ދެ ބައިކުޅަ އެއް ބަޔަކީ ވޯލްޑް ބޭންކުން ލޯނެއް ނަގައިގެން ގަނެފައިވާ ތަކެތި ކަމަށް ޔުގެންޑާގެ އޮޑިޓަ ޖެނެރަލްޖޯން މުވަންގާ ވަނީ ރިޕޯޓެއްގައި ވިދާޅުވެފަ އެވެ.
ހެލްތު މިނިސްޓަރު ޖޭން ރޫތު އަސެންގް ވިދާޅުވީ ކޮވިޑް ވެކްސިން ދެވޭ އުމުރުގެ 59 ޕަސެންޓް މީހުން ޔުގެންޑާގައި ތިބީ ވެކްސިން ފުރިހަމަކޮށްގެންކަމަށެވެ. އެބޭފުޅާ މިހެން ވިދާޅިވެފައިވަނީ
ގާނޫނު ހަދާ މަޖިލީހުގައިއެވެ.
