ސްޕެއިނުން ވައިގެ މަގުން ޣައްޒާއަށް އެހީ ފޯރުކޮށްދީފި އެވެ.
ސްޕެއިންގެ އަސްކަރީ މަތިންދާބޯޓުތަކުން ޣައްޒާއަށް 26 ޓަނުގެ އިންސާނީ އެހީ ވައިގެ މަގުން ގައްޒާއަށް ފޯރުކޮށްދީފައި މިވަނީ، ޣައްޒާއަށް ކުރިމަތިވެފައިވާ ކާރިސާއިން ރައްކާތެރިވުމަށް އެއްގަމު ބޯޑަރު ހުރަސްކުރާ ތަންތަން ހުޅުވާލުމަށް ސްޕެއިންގެ ސަރުކާރުން އިސްރާއީލަށް ގޮވާލާފައި ވަނިކޮށެވެ.
ސްޕެއިންގެ ފަރާތުން އުރުދުންއާ ގުޅިގެން އަދި ޔޫރަޕިއަން ޔޫނިއަންގެ އެހީއާއި އެކު ހިންގާފައިވާ މި އޮޕަރޭޝަނުގައި ކާބޯތަކެތީގެ 11،000 އަށް ވުރެ ގިނަ ކާޑުގެ ބާވަތްތައް ވަނީ ޣައްޒާއަށް ފޯރުކޮށްދީފައި އެވެ.
ޣައްޒާއަށް ކުރިމަތިވެފައިވާ އިންސާނީ ކާރިސާއަށް ލުޔެއް ހޯދައިދިނުމަށްޓަކައި އެމެރިކާ، ފަރަންސޭސިވިލާތް އަދި ޖަރުމަނުގެ އިތުރުން ހުޅަނގުގެ އެހެން ގައުމުތަކުންވެސް ވަނީ ވައިގެ މަގުން އެހީތެރިކަން ފޯރުކޮށްދީފައެވެ.
ސްޕެއިންގެ ޚާރިޖީ ވުޒާރާގެ ފަރާތުން ޔަގީންކަން ދެއްވާފައިވަނީ ފަލަސްތީނަށް އދ.ގެ އިންސާނީ އެހީތެރިކަން ފޯރުކޮށްދޭ އިދާރާ ޔޫއެންއާރްޑަބްލިއުއޭއަށް އެއްބާރުލުން ދިނުމަށާއި، އެ ޖަމިއްޔާ ދެމިއޮތުމަށް އެހީތެރިކަން ފޯރުކޮށްދޭނެކަމަށެވެ.
