ކުއްލި އެމަޖެންސީ ހާލަތެއް މެދުވެރިވެގެން ތުރުކީއަށް ޖެއްސި އިޒްރޭލުގެ ފްލައިޓަކަށް ތެޔޮ ފޯރުކޮށްދިނުމަށް ތުރުކީ އަންޓަލްޔާ އެއާރޕޯޓްގެ މުވައްޒަފުން ދެކޮޅު ހަދައިފިއެވެ.
އިސްރާއީލުގެ ގައުމީ އެއާލައިން އެލް އަލް ކުއްލި އިމަޖެންސީ ހާލަތެއް މެދުވެރިވެގެން ތުރުކީގެ އަންޓަލްޔާ އެއާޕޯޓަށް ޖައްސާ، އެމީހުން އިސްރާއީލުގެ ވެރިރަށް ޓެލް އަވިވްއަށް ދަތުރު ކުރުމަށް ތެޔޮ ފޯރުކޮށްދިނުމަށް އެދުމުން އެކަމާއި އެއާޕޯޓުގެ މުވައްޒަފުން ދެކޮޅު ހަދާފައިވާ ކަމަށް އިސްރާއީލުގެ ނޫހެއް ކަމަށްވާ “ޗެނަލް12″ އިން ބުނެފައިވެއެވެ.
ތުރުކީ އެއާޕޯޓުގެ މުވައްޒަފުން ތެޔޮ ފޯރުކޮށްދޭން ދެކޮޅު ހެދުމުން އެ ފްލައިޓް ތެޔޮ ހޯދުމަށް ގްރީސްގެ ރޯޑްސްއަށް ދަތުރުފަށާފައިވާއިރު، މިއަދުގެ ވަގުތެއްގައި އިސްރާއީލުން ފުރައިގެން ޕޮލޭންޑުގެ ވާސޯއަށް ދަތުރު ކުރަމުން ދިޔަ އެ ފްލައިޓް ކުއްލި ގޮތަކަށް ޖައްސާފައިވަނީ އެ ފްލައިޓުން ދަތުރު ކުރަމުން ދިޔަ މީހަކު ބަލިވެގެން ފަރުވާ ބޭނުން ވެގެން ކަމަށް ޗެނަލް12″ އިން ރިޕޯޓް ކޮށްފައިވެއެވެ.
ތުރުކީގެ އެއާރޕޯޓުން ތެޔޮ ފޯރުކޮށްދިނުމަށް ދެކޮޅުހެދި މިފްލައިޓް މިރޭގެ ވަގުތެއްގައި އިސްރާއީލަށް ޖައްސާނެ ކަމަށް ޗެނަލް12” އިން ރިޕޯޓް ކޮށްފައިވެއެވެ.
